भोजपुरी देवी पचरा गीत_ पुजत चरणवा
भोजपुरी देवी पचरा गीत_ पुजत चरणवा।
सालो साल बीती गइल हो पूजत चरनवा ये मइया।
तबो नाही कइलू पूरा तू हमरो सोचल अरमनवा ये मइया।
नवमी में नौ दिन करिला तोहरो पूजनवा ये मइया।
काहे नाही कइलू पूरा तू हमरो सोचल अरमनवा ये मइया।
हम हई भिखारी माई तोहरे दरबरवा के।
देई दा तु भिखिया माई हमरे अबरवा के।
पूरा करा देवी दुर्गा तू हमरो देखल सपनवा ये मइया।
तबो नाही कइलू................।
करा हुंकार दुखवा भागे होके फरार माई।
करा चमत्कार सुखवा जागे मोर दुआर माई ।
तोहरे पर लगल हरदम हमरो परनवा ये मइया।
तबो नाही कइलू.....................।
आजा मोर अंगनवा माई हो जाए भोर हो।
चमचम चुनरिया ओढले करा तु अंजोर हो।
झर झर बरसे हरदम भक्त भारती के नयनवा ये मइया।
तबो नाही कइलू......................।
श्याम कुंवर भारती
बोकारो, झारखंड, मो.9955509286
Mohammed urooj khan
23-Oct-2023 02:18 PM
👌🏾👌🏾👌🏾👌🏾
Reply
Gunjan Kamal
23-Oct-2023 08:18 AM
👌👏
Reply